Danas su naša djeca zajedno sa djecom iz ,,Oaze'' provela divan dan u radionici dekupaža. Svako dijete je dalo svoj doprinos, a ono najvažnije - radili su zajedno, pomažući jedni drugima i uživajući u zajedničkom vremenu. Nakon radionice napravili smo kratki predah. Djeca su zajedno ručala i odmarala se, dijeleći trenutke bliskoti i prijateljstva. Bio je to još jedan dan pun osmijeha, topline i zajedništva.

  Korisnici druge smjene, uz podršku stručnih radnika, prošli su kroz jedno posebno iskustvo. Od prve korpe u trgovini, preko zajedničke pripreme u kuhinji, pa sve do trenutaka kada su sjeli za sto i probali sendviče koje su sami napravili. Svaki korak bio je važna lekcija o snalažljivosti, samostalnosti i zajedništvu. Ono što je nastalo imalo je ukus truda, podrške i ponosa.

  Danas smo uživali u pravoj maloj čaroliji ukusa i mirisa. Roditelji i djeca su zajedno sa osobljem Centra, zasukali rukave na našoj zajedničkoj kuvarskoj radionici. Pravile su se slatke i slane kiflice, a miris jeseni donijela nam je i priprema domaće zimnice. Uz smijeh, druženje i zajednički rad nastale su najmekše kiflice i najukusnija salata. Kada kuvamo zajedno, sve ima poseban ukus.